Медициналык жабдууларды чыгарган компаниянын маалыматында, бул УЗИ аппараттары өзгөчө кош бойлуу аялдарды текшерүү үчүн белгилүү. Дарыгерлер диагностикалык аппараттын татаал жактарын жакшы билишет. Системанын техникалык өзгөчөлүктөрү инновациялык куралдардын аркасында так диагноз коюуга жардам берет. Мамлекеттик тилдеги программалык камсыздоо ак халатчандар үчүн да, бейтаптар үчүн да ыңгайлуу. Ал эми акыркысына дарылануу тууралуу маалымат эми мамлекеттик тилде берилет.
Еркин Дилимбетов, заманбап медициналык жабдыктар өндүрүүчү компаниялар кеңешинин төрагасы:
- Бүгүнкү күндө казак тилинде маалымат алгандардын саны өсүүдө. Ошентип, дарыгерлерге ыңгайлуу болуш үчүн, ошондой эле жумушту тез аткаруу жана ак халатчандар техниканын татаал жактарын тез өздөштүрүү үчүн мындай аппаратты чыгаруу тууралуу чечим кабыл алдык. Бир жылдын ичинде биз казак тилинин адистери, УЗИ диагностикалык кызматкерлери, акушердик жана гинекология сыяктуу тармактардын адистери менен бирге аталган аппараттарды, программалык камсыздоону жана бардык колдонуучу интерфейстерин мамлекеттик тилге котордук.
Компания жылына 150гө жакын УЗИ сканерин чыгарууну көздөп жатат. Келечекте алар Борбор Азия менен Кавказга, ошондой эле Жакынкы Чыгыш өлкөлөрүнө экспорттоого кызыкдар жана буга байланыштуу келечекте алардын санын 300гө жеткирүү пландалууда. Мындан тышкары, башка медициналык аппараттардын системаларын казак тилинде сүйлөтүү мерчемделип жатат. Жалпысынан ата мекендик өндүрүүчүлөрдүн аппараттарынын программалык камсыздоосу 12 тилде маалымат бере алат.
Еркин Дилимбетов, заманбап медициналык жабдыктар өндүрүүчү компаниялар кеңешинин төрагасы:
- Биз бул ишти колго алдык. Учурда рентген аппараттарына казак тилин киргизүү боюнча иштер жүрүп жатат, деген менен дарылануу мониторлорунда колдонула баштады. Аппарат көп тилдүү болушу мүмкүн. Ошол эле учурда биз Борбор Азиянын рыногуна чыгууну максат кылгандыктан, өнүмүбүзгө кыргыз, өзбек, тажик, түркмөн тилдерин киргизүүнү ойлоп жатабыз. Башкача айтканда, бул аппараттар толук локализацияга ээ. Учурда рентген аппаратына, дарылануучу мониторлорго жана УЗИ аппараттарына кыргыз тилин киргизүү иштери жүрүп жатат.
Алдыдагы убакытта Казакстандык өндүрүүчү медициналык жабдуулардын 70тен ашык түрүн чыгарууну мерчемдеп жатат.
Которгон: Илгиз Жамалбеков
