Улуттук коопсуздук комитетинин мурдагы жетекчиси Карим Масимов камакка алынып, убактылуу кармоо изоляторуна киргизилди. Мындай маалымат Улуттук коопсуздук комитетинин расмий сайтында жарыяланды.
Мындан тышкары комитеттин башка мүчөлөрү да кармалган. Бирок алардын аты-жөнү айтылган жок. Аларга Кылмыш-жаза кодексинин 175-беренеси боюнча «мамлекетке чыккынчылык кылуу» беренеси боюнча айып тагылды. Учурда аталган берене боюнча сотко чейинки тергөө иштери башталды.
Которгон: Илгиз Жамалбеков
