Касым-Жомарт Токаев Мажилистин 2023-жылдагы ишинин жыйынтыгына оң баасын берди. Мажилис спикери Ерлан Кошанов президентке парламенттин төмөнкү палатасынын мыйзам чыгаруу ишмердүүлүгү тууралуу маалымат берди. Ошентип, сессия башталгандан бери 35 мыйзам кабыл алынып, Сенатка жөнөтүлдү. Алардын арасында «Улуттук фонд – балдарга» программасын жөнгө салуучу документтер, ошондой эле, жер казынасын пайдалануу жана бизнес жүргүзүү маселелери бар. Учурда 69 мыйзам долбоору депутаттардын кароосунда болсо, анын дээрлик үчтөн бир бөлүгүн мажилистегилер демилгелеген. Атап айтканда, Бюджеттик кодекс, турак жай саясаты боюнча мыйзам долбоорлору, жылуулук-энергетика, илимий жана техникалык саясат боюнча иштер жүрүп жатат. Мындан тышкары, Мажилистин Төрагасы парламенттик талкуулардын деңгээлин жогорулатууга себеп болгон партиялык фракциялардын жана бир мандаттуу депутаттардын активдүүлүгү өскөнүн белгиледи. Азыр палатанын депутаттары Мамлекет башчынын тапшырмаларынын аткарылышына көзөмөл жүргүзүү үчүн аймактарда шайлоочулар менен жолугуп жүрөт.
Веб-редактор: Inkar
Oкшош жаңылыктар
