Жыйында глобалдык чакырыктарды диалог аркылуу жеңүү темасы талкууланат. Уюштуруу комитетинен билдиришкендей, форумдун катышуучулары учурдагы дүйнөлүк кырдаалды талдап, геосаясий тирешүүлөрдүн күчөшүнөн улам дүйнөлүк коомчулуктун аракеттерин бириктире турган иш-чараларды уюштурууга умтулушат. Негизги талкуулар төрт багытта, тактап айтканда, тышкы саясат жана эл аралык коопсуздук; эл аралык өнүгүү жана туруктуулук; энергетика менен климаттын өзгөрүшү, экономика жана каржы тармактары боюнча өтөт. Форумга мамлекет жана өкмөт башчылары, эл аралык уюмдардын жана ири компаниялардын жетекчилери, белгилүү саясий ишмерлер жана серепчилер катышат.
Которгон: Илгиз Жамалбеков
