Бельгияда казак баатырлары урматталды. Жеңиштин 80 жылдыгына карата Казакстандын элчилиги Генк көрүстөнүндө советтик жоокерлерди эскерип, гүл чамбарларын койду. Бул бейитте казактын эки жоокери – Нурадин Бисенов жана Тогайбай Уалиев коюлган. Эки мекендеш тең 1944-жылдын жазында бул аймакта баатырдык менен курман болушкан. Иш-чаранын катышуучуларынын айтымында, Улуу жеңишке жетүү жолунда жанын берген каармандарды даңазалоо ар бир жарандын милдети.
Алмас Нургалиев, Коргоо министрлигинин НАТО штаб-кеңсесинин аскер өкүлүнүн орун басары:
- Ырайымсыз согуштун кесепеттерин унутпашыбыз керек. Жеңиш жолунда 27 миллиондон ашык адам каза болду. Бул ар бир үй-бүлөнүн, жалпы элдин трагедиясы, кандуу кармашта курман болгон 10 казакстандык жоокер Бельгияда жерге берилген. Биз алардын аттарын, туугандарын таап, издөөнү уланта беребиз. Бул тарых алдында, келечек үчүн чоң жоопкерчилик.
Которгон: Илгиз Жамалбеков
Oкшош жаңылыктар
