Экинчи дүйнөлүк согушта курман болгон казакстандык жоокерлердин сөөктөрү өлкөгө Орусиядан алынып келинди. Жоокерлердин үчөө тең согуш талаасында курман болгон. Кисым Адиев - азыркы Атырау, Силан Маметов - Кызылорда, Кадырбек Даулеткулов – Жамбыл облусунун тургундары. Мекен үчүн курман болгон эр жүрөк ата-бабалардын сөөгү туулган жеринде урмат-сый менен коюлат. Жалпысынан орусиялык кесиптештер менен биргелешип 19 жоокердин сөөгү табылды.
Мурат Молдагалиев, «Atamnyn amanaty»
коомдук бирикмесинин башкарма төрагасы:
- Мамлекет бул ишке чоң колдоо
көрсөтүүдө. Тилекке каршы, каза болгон жоокерлердин жакындары табылбай калган
учурлар болот. Мисалы, 4 жоокер бабалардын жакындарын таба алган жокпуз. Аларды
туулуп-өскөн жерине көмүүнү облустук акимчиликтер өз мойнуна алды. Башкача
айтканда, бардык салтанаттуу иш-чаралар мамлекеттин күчү менен өткөрүлөт.
Маселен, Жамбыл облусунда туулган
Кадырбек Даулеткулов чек арачы болуп аскерге чакырылган. Ал эми 1943-жылы Курск
салгылашында баатырларча курман болгон.
Ернур наметкул:
- Ал кишинин сөөгү табылганы
тууралуу кабарды мындан бир ай мурун энебизге «Атамдын аманаты» коомдук
бирикмеси угузган. Ал киши 1941-жылы майданга аттанган. Үйлөнүүгө жетишкен
эмес. Үй-бүлөсү, балдары жок. Мен ал кишинин агасынын чөбөрөсү болом.
Которгон: Илгиз Жамалбеков
Веб-редактор: Аида Умирзаковна
Oкшош жаңылыктар
