Жаңа Конституция - Қазақстан болашағының құқықтық негізі

Жаңа Конституция Қазақстанның саяси және құқықтық жүйесін түбегейлі жаңғыртуға жол ашты. Ол мемлекеттің негізгі құндылықтарын бекітіп, конституциялық институттардың рөлін күшейтті және елдің даму векторын айқындады. Бұл өзгерістер Президенттік орталықтағы халықаралық дөңгелек үстелде талқылады. Іс-шараға депутаттар, мемлекеттік органдар өкілдері және шетелдік сарапшылар қатысты. Олар жаңа конституциялық нормалардың іс жүзінде қалай жұмыс істейтінін және келесі кезекте атқарылуы тиіс шаралар кешенін талқылады.

Алмас Қанатов, Парламентаризм институты Норма шығармашылық жұмыс жөніндегі басқарманың атқарушы директоры:

- Егемендiк, тәуелсiздiк, адам құқықтары, конституциялық құрылым тәрізді құндылықтар бiрiншi орынға шығады. Жаңа Конституцияның барлық 96 бабының ішінде алғашқы он бірі қалған баптарға қарағанда басымдыққа ие болады.

Веб-редактор: Нұрбек Балгүл Қайрошқызы