Үкіметте инвестициялық ахуалды жақсарту шаралары қаралды

Бюджетке түсімдер аяқ киім бойынша 3 есе, дәрі-дәрмектер бойынша 2 есеге жуық өскен. Бұл елімізде тауарларды таңбалаудың цифрлық жүйесін енгізудің  нәтижесі. Ол нарықтың ашықтығын арттыруға, тұтынушылардың құқықтарын қорғауға мүмкіндік берді және ЖІӨ-дегі көлеңкелі экономиканың үлесін төмендетуге ықпал етеді. Бұл туралы Инвестициялық ахуалды жақсарту жөніндегі кеңестің отырысында белгілі болды. Ел Премьер-Министрі Олжас Бектеновтың төрағалығымен өткен жиынға халықаралық бизнес-қоғамдастық пен дипломатиялық корпус өкілдері қатысты. Айтуынша, қазір Қазақстанда таңбалауды енгізу үшін барлық жағдай жасалған: таңбалауға жататын тауарлардың тізбесі және оларды 2029 жылға дейінгі ұлттық даму жоспары шеңберінде кезең-кезеңімен енгізу мерзімдері бекітілген. Бұдан бөлек, 2030 жылға дейінгі сауда саясатының тұжырымдамасы әзірлеу жұмыстары жүруде. Бұның бәрі елдің инвестициялық тартымдылығын арттырады. 

Веб-редактор: Нұрбек Балгүл Қайрошқызы