Түрікменстанда музыкалық байқаудың жеңімпаздары марапатталды

Түрікмен мәдени мұрасы мен бахшы өнерін танымал ету. Түрікменстан астанасында талантты жас музыканттар мен халық орындаушыларын анықтауға және қолдауға арналған жыл сайынғы байқау өтті. Оның жеңімпаздары 14 дутаршы музыкант және сонша әнші болды. Қатысушылардың жас аралығы 18 бен 35. Айта кетейік, дутар мен бахшы композицияларын орындау - түрікмен халқының көпғасырлық музыкалық мәдениетінің ажырамас бөлігі. Сондықтан, 2021 жылы ЮНЕСКО-ның шешімімен дутар дайындау шеберлігі, онда бахшы әндерін сүйемелдеу арқылы ойнау өнері адамзаттың материалдық емес мәдени мұрасының репрезентативтік тізіміне енгізілді.

Дуньягозель Гутлыева, Түрікмен ұлттық консерваториясының студенті:

- Бұл байқауда мен «Шасенем мен Ғарып» дастанының түрікмен халық әні - «Тешнит»-ті орындадым. Ол керемет. Маған еңбегі сіңген бахшылар тәлім беріп, көп көмектесті. Ұстаздар мен отбасыма үлкен қолдау көрсеткені үшін алғыс айтқым келеді.

Давут Гулбаев, Балқан уалаятының мамандандырылған өнер мектебінің студенті:

- Мен байқауға түрікмен халқының «Бейбітшілік» әнін алып келдім. Бала кезімнен бастап музыкамен айналысамын, балалар көркемөнер мектебіне бардым, оны бітіргеннен кейін Балқан уалаятының мамандандырылған өнер мектебінің студенті болдым. Бахшы өнерімен айналысуға мені тәлімгерім шабыттандырды.

Веб-редактор: Нұрбек Балгүл Қайрошқызы