Қазақстанға ауқымды су тасқынынан зардап шеккендерге қолдау көрсету үшін Тәжікстаннан гуманитарлық көмек жетті. Орталық Азия мемлекетінің Үкіметі еліміздің тоғыз өңіріне 50 вагон жүк жіберген. Олардың жалпы салмағы екі жарым мың тоннаны құрайды. Негізінен керуенмен цемент, шатыр, ағаш сынды құрылыс материалдары және қажетті азық-түлік өнімдері келді. Қазір оның бәрі Ақтөбе өңірінің тұрғындарына жеткізілді. Еске салайық, бауырлас ел бұған дейін де еліміздегі табиғи апаттың салдарымен күресу үшін үш жарым мың тоннадан астам гуманитарлық көмек жөнелткен.
