Елімізде байқауға қатысуға өтінімдер қабылдануда. Ол 10 шілдеге дейін жалғасады. Ұлттық инновациялық даму агенттігінің сайтында барлық шарттар мен талаптар орналастырылған.
Санат Аханов, «QAZINNOVATIONS» инновацияларды дамыту жөніндегі ұлттық агенттігі» ақ басқарма төрағасы:
- Бұл тегін, үстемақысыз, кепілсіз грант алудың бірегей мүмкіндігі. Мемлекет тарапынан жасалып жатқан қолдаулардың арасындағы өте тиімділерінің бірі деп ойлаймын. Бұл, әсіресе, өндіріс, кәсіпорын болса, сіз жаңа технологияларды енгізгіңіз келсе, технология трансферті, импортты алмастыру тұрғысынан және т.б. тиімді. Онда сіз 3 жылға 400 млн теңгеге грант ала аласыз. Сіздердің назарларыңызды бізде гранттар беру жөніндегі кеңестің жұмыс істейтіндігіне, гранттар беру бойынша барлық үдерістердің ашық және транспарентті екеніне аударғым келеді. Барлық ақпарат біздің каз ин кз веб-сайтында орналастырылған. Онда барлық байланыс номерлері жазылған. Сонымен қатар мамандардан кеңес те ала аласыз.
