Президент экономика мәселелеріне қатысты жұмыс отырысын өткізді

Президент Қасым-Жомарт Тоқаевтың төрағалығымен Қауіпсіздік Кеңестің экономикалық мәселелерге қатысты жұмыс отырысы өтті. Жиында тарифтік қақтығыстар салдарынан әлемдік нарықтағы ахуалдың өзгеруіне байланысты еліміздің іс-қимыл жоспары талқыланды. Президент кез келген жағдайға дайын болу қажет екенін атап өтті. Үкіметтің міндеті - халықтың әл-ауқатын, экономикалық өсім қарқынын және тартылатын инвестиция көлемін төмендетуге жол бермеу. Ал, ірі инфрақұрылымдық жобалар мен цифрландыру жоспары басым бағыттар болып қала береді. Отырыста мемлекеттің қаржылық тұрақтылығын сақтау мен ақша-несие саясатын іске асыру тетіктерін жетілдіруге ерекше назар аударылды. Жиын соңында Президент тиісті органдарға бірқатар нақты тапсырма берді.

Веб-редактор: Нұрбек Балгүл Қайрошқызы