Президент Алматы қаласының әкімін қабылдады

2024 жылдың бірінші жартыжылдығында Алматының негізгі капиталға салынған инвестиция көлемі 15 процентке өсіп, шамамен 715 млрд теңгені құрады. Салымдардың басым бөлігі қаражатты өңдеуші өнеркәсіп, көлік, IT-сектор, денсаулық сақтау саласына бағытталды. Бүгін Мемлекет басшысына Алматының әлеуметтік-экономикалық дамуының алдын ала қорытындылары туралы қала басшысы Ерболат Досаев баяндады. Оның айтуынша, жыл соңына дейін мегаполис экономикасына 2 трлн теңге инвестиция тарту күтілуде. Қазақстан Президенті өңдеу өнеркәсібін дамытуға және Алматы экономикасын әртараптандыру аясында шағын және орта бизнестің үлесін арттыру есебінен табысты одан әрі ұлғайтуға ерекше көңіл бөлуді тапсырды.

Веб-редактор: Нұрбек Балгүл Қайрошқызы