Мемлекеттік кеңесші этносаралық келісім жөнінде жиын өткізді

Елімізде этносаралық келісімді нығайту мәселелері Мемлекеттік кеңесшінің төрағалығымен өткен республикалық жиында талқыланды. Ерлан Қарин мемлекеттік органдардың осы бағытта жүйелі әрі кешенді жұмыс жүргізіп жатқанын атап өтті. Сондай-ақ, бұл іске тұрақты түрде тың тәсілдер енгізу қажет екеніне назар аударды. Жиын соңында Мемлекеттік кеңесші жауапты мемлекеттік органдарға этносаралық келісім мен бірлікті қамтамасыз етуге қатысты ішкі саясат саласының басым бағыттары бойынша бірқатар нақты тапсырма берді.

Веб-редактор: Нұрбек Балгүл Қайрошқызы