Мемлекет Басшысы Корея Республикасы Ұлттық ассамблеясының төрағасы У Вон Шикпен кездесті

Бүгін Мемлекет басшысы Корея Республикасы Ұлттық ассамблеясының төрағасы У Вон Шикпен кездесті. Оңтүстік Корея Қазақстанның Азиядағы негізгі серіктестерінің бірі. Қасым-Жомарт Тоқаев таңғы шық елімен арадағы санқырлы ынтымақтастық қарқынды дамып келе жатқанын атап өтіп, тараптардың парламентаралық ықпалдастықты жандандыру жолындағы күш-жігеріне қолдау білдірді. Бұл – саяси, сауда-экономикалық және мәдени-гуманитарлық байланыстарды одан әрі нығайту ісінің маңызды тетігі. Өз кезегінде У Вон Шик қазақ-корей байланысын барлық бағыт бойынша тереңдетуге дайын екенін жеткізді.

Веб-редактор: Нұрбек Балгүл Қайрошқызы