Қазақстанда туындаған төтенше жағдайлардың жедел алдын алу үшін бірыңғай
цифрлық радиожүйе құрылады. Аталмыш жүйе-құтқарушылар, полиция мен Ұлттық
гвардия сынды төтенше қызметтің бөлімдерін біріктіреді. Ауқымды платформа ел
бойынша ведомстволар арасында сенімді байланысты қамтамасыз етеді, бұл жұмыстың
жылдамдығын, сапасын және үйлестірілуін, сондай-ақ жеделділікті арттырады.
Маңыздысы, жүйе интернетке және ұялы операторларға тәуелді емес. Бүгінгі таңда
желіге республиканың 13 өңірі қосылған, сондай-ақ тағы сегіз базалық станция
орнату жоспарда бар.
Руслан Сеитов, ҚР ТЖМ Ақпараттандыру, цифрландыру және байланыс департаментінің бас маманы:
– Қазіргі таңда ТМД елдерінде осыған ұқсас жүйе жоқ. Бұл жүйенің
артықшылығы болашақта табиғи-техногендік сипаттағы төтенше жағдайларда жылдам
әрекет етуге мүмкіндік береді, сондай-ақ радиожиілік ресурсын үнемдейді. Бұрын
әрбір ведомство өз радиожүйесін жеке құрған, ал жалпы құрылымдық жүйе –
біріншіден қайталану мәселесін туындатпайды, екіншіден қаржы үнемделеді. Бұл
жүйе ТЖ қаупі төнген немесе туындаған кезде ғана емес, басқа ведомстволарда
күнделікті режимде пайдаланатын болады.
1. Жасанды интеллектті қолданасыз ба?
Сондай-ақ
