Қазақстанда бөлшек сауда көлемі айтарлықтай артып келеді. Сарапшылардың есептеуінше, өткен жылдың өзінде көрсеткіш 13,5 трлн теңгеге жеткен, бұл 2020 жылдың сәйкес кезеңімен салыстырғанда 15,5% артық. Сонымен қатар бөлшек сауданың негізгі үлесі Алматы, Нұр-Сұлтан және Шығыс Қазақстан облысына тиесілі. Ритейлдің айтарлықтай көлемін жеке кәсіпкерлер мен шағын компаниялар қамтамасыз етті. Мұнда бұл көрсеткіш 4,7 трлн және 4,2 трлн теңгеге сәйкес келді.
