Қазақстанда асылтұқымды ақбас сиыр көбейді

Қазақстандық ет шаруашылығы тұрақты өсім көрсетіп отыр, ал саланың басты жетістіктерінің бірі ретінде қазақтың ақ бас ірі қара тұқымының көбеюі аталады. Оның саны соңғы он жылда шамамен 10 есе өсіп, 700-800 мың басқа жеткен. Мұндай нәтижеге мемлекеттік қолдау, селекцияның заманауи әдістері және жаңа технологияларды енгізу ықпал етті, дейді сарапшылар. Qazaq Aqbas тұқымы белсенді дамудың жаңа кезеңіне аяқ басқан және Қазақстандағы етті ірі қара малдың ең үлкен популяциясы ретіндегі орнын нығайта түскен. Ет сапасының арқасында бұл тұқым шетелдік серіктестер тарапынан қызығушылық тудырып отыр. Бұл ретте жануарлардың өзіне ғана емес, генетикалық материалға да сұраныс бар. Ресей, Моңғолия, Қырғызстан және Өзбекстан шаруалары ақбас тұқым өсіруге ниетті. Астанада өткен «Qazaq Aqbas. Ұлттық қазынасы» кітабының тұсаукесерінде бүкіл ел бойынша ондаған жылдар бойы жүргізілген ауқымды селекциялық жұмыс, сондай-ақ қазақтың ақбас сиырын халықаралық деңгейде таныту туралы айтылды. Сарапшылардың айтуынша, асыл тұқымның 75 жылдығына арналған басылымды ғылыми еңбек қана емес, қазақ мал шаруашылығының сан ғасырлық дәстүріне тағзым деп санауға болады.

Қуаныш Сүлейменов, «Қазақтың ақбас тұқымының республикалық палатасы» директорлар кеңесінің тәуелсіз сарапшысы:

- Біздің «қазақтың ақбас тұқымы» палатамыз аясында біз бүгін келісім-шарт жасастық, соңғы 7 жыл бойы канадалық ВайтЭли компаниясымен әріптестікте жұмыс істеп келеміз. Толық жабдықталған 12 арнайы технологияны әкеліп, шаруашылықта орнаттық  және қазақтың ақбас тұқымының ең үздік бұқаларын, тұқым өндіруші мал басы ретінде іріктеп аламыз. Құрғақ жем қалдығы тиімділігі бойынша қазақтың ақбас сиыры әлемнің үздік 5 тұқымының қатарына енді. Үздік бұқалар бойынша бүгін қазақтың ақ бас екі бұқасы әлемнің үздік 150 бұқасының қатарына енді. 

Веб-редактор: Нұрбек Балгүл Қайрошқызы