Қазақстанда
биыл шетелдік капиталдың қатысуымен 40-тан астам ірі жоба іске қосылады.
Үкіметте «Kazakh Invest» ұлттық компаниясының биылғы
қызметі мен алдағы жұмыс жоспарлары қаралды. Қазіргі уақытта ол жалпы құны 27 млрд долларды құрайтын 200
жобаға қолдау көрсетуде. Олардың ішінде ең маңыздыларының бірі – Астана
қаласында орналасқан америкалық компанияның медициналық УДЗ және КТ
аппараттарын шығаратын кәсіпорын. Өндіріс орны қазақстандық ауруханаларды
қамтамасыз етіп қана қоймай, болашақта басқа елдерге экспортты жолға қоюға
мүмкіндік береді. Сонымен қатар компания отандық денсаулық сақтау жүйесіндегі
кадрлардың біліктілігін арттыру үшін білім беру бағдарламаларын ұйымдастыруды
жоспарлап отыр. Сондай-ақ швейцариялық бизнес өкілдерінің бірі алдағы уақытта
экспортқа шығу перспективасымен Алматыда ісікке қарсы препараттар өндірісін
іске қосады. Австриялық тағы бір компания елордада құрылыс материалдары
өндірісін локализацияламақ. Өз кезегінде бұл Қазақстан нарығының осы
өнімдердегі импортқа тәуелділігін төмендетеді. Премьер-Министрдің тапсырмасы
бойынша Kazakh Invest алдағы жұмысында астықты терең өңдеу, пластмассаның
сұранысқа ие түрлерін өндіру, мұнай-газ жабдықтарын және қосылған құны жоғары
басқа да тауарларды оқшаулау бойынша перспективалы жобаларға инвесторлар тартуға
баса назар аударуы тиіс.
Веб-редактор: Әсел Бақытқызы
Сондай-ақ
