Қазақстан түсті және қара металл сынықтарын қайта өңдейтін зауыттарды ашуды жоспарлап отыр. Бұл туралы еліміздің Индустрия және инфрақұрылымдық даму министрлігі хабарлады. Республиканың әр бес аймағында бір жобадан жүзеге асырылады деп күтілуде. Ведомствоның алдын ала болжамы бойынша инвестиция көлемі 250 млрд теңгеден асады. Сонымен өнеркәсіп ошақтары қазақстандық кәсіпкерлермен қатар Орталық Азия елдерінің инвесторлары ашады деп күтілуде. Зауыттардың бірі 2022 жылдың аяғына дейін іске қосылады. Қалғандарын келесі жылы қолданысқа беру жоспарланып отыр. Индустрия және инфрақұрылымдық даму министрлігі мәліметі бойынша, бұл нысандардың жалпы қуаттылығы жылына шамамен 3,2 млн тонна болат өнімдерін құрайды.
