Қос тарап алдағы уақытта өзара сауда көлемін АҚШ валютасында 30 млрд-қа жеткізуге мүмкіндігі мол. Бұл туралы Премьер-Министрдің орынбасары – Сыртқы істер министрі Мұрат Нұртілеу Мәскеуге ресми сапары барысында мәлімдеді.
Мұрат Нұртілеу, ҚР Премьер-министрінің орынбасары – Сыртқы істер министрі:
- Өздеріңіз білесіздер, екі елдің үкіметтерінің алдында қос тарап басшыларының тиісті міндеті тұр. Бұл – Қазақстан-Ресей үкіметаралық комиссиясының, сондай-ақ, өңіраралық ынтымақтастық форумдарының әлеуетін пайдалана отырып, біз оны әрі қарай жалғастыруды көздеп отырған қажырлы әрі өте маңызды жұмыс.
Тараптар Қазақстан-Ресей ынтымақтастығының даму перспективаларына қатысты өзекті мәселелерді, сондай-ақ, интеграциялық бірлестіктер, оның ішінде ТМД, ЕАЭО, Ұжымдық қауіпсіздік туралы шарт ұйымы шеңберіндегі екіжақты ынтымақтастықты талқылады. Бұған қоса өңіраралық және шекара маңындағы өзара іс-қимылды нығайту, сауда-экономикалық және инвестициялық ынтымақтастықты дамыту және түрлі салаларда бірлескен жобаларды іске асыру мәселелеріне назар аударылды. Кездесу қорытындысы бойынша Қазақстан мен Ресейдің сыртқы саяси ведомстволары арасындағы 2023-2024 жылдарға арналған ынтымақтастық жөніндегі іс-шаралар жоспарына қол қойылды.
Веб-редактор: Admin
Сондай-ақ
