Қазақстан мен Халықаралық Қызыл крест комитеті ынтымақтастықты нығайтуда

Қазақстан Халықаралық гуманитарлық құқыққа саяси бейілділікті күшейту жөніндегі жаһандық бастама көтерген алты мемлекеттің бірі. Бұл жөнінде Мемлекет басшысы халықаралық Қызыл крест комитетінің басшысы Мирьяна Споляричпен кездесу барысында айтты. Президент бейтарап мандат негізінде әрекет ететін Ұйымның бірегей сипатына тоқталып, гуманитарлық көмекті саясиландыруға болмайтынын атап өтті. Сондай-ақ, әңгімелесу барысында  соғыс кезіндегі адамгершілік тақырыбы бойынша жыл соңына қарай Иорданияда өтетін жоғары деңгейдегі Конференцияға дайындық мәселелері пысықталды. Өз кезегінде Мирьяна Сполярич гумманитарлық бастамаларға қолдау көрсеткені үшін Қазақстан тарапына ризашылығын білдірді.

Веб-редактор: Нұрбек Балгүл Қайрошқызы