Қазақстан әлем елдерін Ауғанстандағы бейбітшілік пен тұрақтылықты қамтамасыз ету үшін күш біріктіруге шақырады. Бұл туралы Ташкентте «Ауғанстан: қауіпсіздік және экономикалық даму» халықаралық конференциясы аясында ҚР СІМ ерекше тапсырмалар жөніндегі елшісі Талғат Қалиев мәлім етті. «Ауғанстан – Орталық және Оңтүстік Азия арасындағы көпір. Халықаралық қоғамдастық Ауғанстандағы бейбітшілік пен тұрақтылықты қамтамасыз ету үшін ортақ күш-жігер жұмсау керек. Біз бұл бағытта екіжақты форматта да, көпжақты негізде де жұмыс істеуге дайынбыз», - деді қазақстандық дипломат. Сондай-ақ, ол ауған мәселесіне бірыңғай өңірлік көзқарас, БҰҰ рөлін одан әрі арттыру қажеттігін атап өтті. Елші Қазақстанның Ауғанстанмен сауда және гуманитарлық байланыстарды одан әрі нығайтуға дайындығын мәлімдеді. Ташкент конференциясына 20-дан аса мемлекет пен жетекші халықаралық ұйымдардың өкілдері жиналды.
Талғат Қалиев, ҚР Сыртқы Істер Министрлігінің ерекше тапсырмалар жөніндегі елшісі:
– Аймақта көрші орналасқан мемлекет басшылары сөз сөйлеп, елді қалпына келтіру бағытында жаңа ауған үкіметімен ықпалдастыққа дайын екендерін жеткізді. Ауғанстанды түрлі инфрақұрылымдық жобаларға тарту қажеттігін айтты. Яғни, аймақтық интеграцияға қосылуын қолдады.
1. Жасанды интеллектті қолданасыз ба?
Сондай-ақ
