Қазақтың ұлттық аспаптарымен орындалатын заманауи әндер. Халық композицияларына жаңа көзқарас. Қалибек Қуанышбаев атындағы қазақ драма театры жанындағы алғашқы этноансамбльдің репертуары таңғалдырады. 18 музыканттан құралған ансамбльдің барлық мүшесі – халықаралық және республикалық байқаулардың лауреаты. Олардың әрқайсысы бірнеше аспапта ойнай алады. Өнерпаздар ұлттық музыкамызды насихаттауға үлес қоспақ ниетте.
Маралжан Мырзақұлова, ансамбль дирижері:
- Музыканттарымыздың әрқайсысы – үлкен тәжірибесі бар шығармашылық тұлға. Олар – өте талантты, креативті, өршіл, өнер десе ішкен асын жерге қоятын шығармашыл жастар.
