Қ. Тоқаев ҚХР Қазақстандағы елшісін қабылдады

Мемлекет басшысы Қытай Халық Республикасының Қазақстандағы елшісі Хань Чуньлинді қабылдады. Кездесуде Қасым-Жомарт Тоқаевтың Аспан  асты еліне жасайтын алдағы сапарына дайындық мәселелері талқыланды. Сондай-ақ, Тяньцзинде өтетін Шанхай ынтымақтастық ұйымының саммитіне және «ШЫҰ плюс» отырысына қатысу бағдарламасы пысықталды. Қазақстан Президенті еліміздің Қытаймен жан-жақты стратегиялық серіктестікті тереңдетуге баса мән беретінін атап өтті. Мемлекет басшысы Саммит Ұйым тарихының жаңа кезеңіне жол ашып, өңірлік байланыстарды дамытуға ықпал ететініне сенім білдірді. Өз кезегінде елші бұл іс- шаралар  қазақ-қытай қарым-қатынасын барлық салада нығайтуға тың серпін беретін жеткізді. Сонымен қатар, тараптар өзара сауда-экономикалық, инвестициялық және мәдени-гуманитарлық салалардағы ықпалдастықты дамыту әлеуетін талқылады.

Веб-редактор: Нұрбек Балгүл Қайрошқызы