«Бәйтерек»
алдағы екі жылда Қазақстан экономикасының шикізаттық емес секторын қолдау
ауқымын екі есе арттырмақ. Сондай-ақ инвестиция тарту және коммерциялық
банктерді өңдеу өнеркәсібі жобаларын кредиттеуге жұмылдыру жұмыстары жандана
түседі. Бұл туралы Мемлекет басшысына холдингтің басқарма төрағасы Нұрлан Байназаров
мәлімдеді. Сонымен қатар Қасым-Жомарт Тоқаевқа холдингтің биылғы 9 айдағы қызметінің
қорытындылары туралы баяндалды. Президентке ұсынылған деректерге сәйкес, осы
уақыт ішінде инвестициялық жобалар 500 млрд теңгеге, ШОБ-тің 18 мың жобасына
қолдау көрсетіліп, шамамен 1 триллион теңге көлемінде кредит берілген. Агроөнеркәсіп
кешенін қолдауға 447 миллиард теңге қаржы бөлінген.
