Үшінші Чарльз ресми түрде Ұлыбритания және Солтүстік Ирландия Біріккен Корольдігінің монархы болып жарияланды. Күнні кеше Қасым-Жомарт Тоқаев оның таққа отыруымен құттықтады. Мемлекет басшысы өзінің жеделхатында Қазақстан Ұлыбританиямен берік достық байланыстарға, қарқынды саяси диалогқа, өзара тиімді сауда-экономикалық байланыстарға негізделген берік стратегиялық серіктестікті жоғары бағалайтынын және жан-жақты ынтымақтастықтың халықтарымыздың игілігі үшін одан әрі нығая беретініне сенімді екенін атап өтті.
II Елизавета жерлеу рәсімі 19 қыркүйекте өтеді
Айта кетейік, Ұлыбритания патшайымын жерлеу рәсімі дүйсенбі, 19 қыркүйекте Вестминстер аббаттығында өтеді. Екінші Елизаветаның денесі салынған табыт Эдинбургке жеткізілді. Патшайымға құрмет көрсету үшін Шотландия қаласында өткен кортежге гүл ұстаған мыңдаған тұрғын көшеге шықты. Екінші Елизаветамен шотландықтар Әулие Эгидия соборында қоштаса алады. Содан кейін табыт Лондонға жеткізіледі.
Веб-редактор: Admin
Сондай-ақ
