Республика күні қарсаңында Париж Олимпиадасының чемпионы Елдос Сметов пен бапкері Ғалымжан Жылгелдиев Ақтөбе облысы, Қобда ауданына арнайы барып, спортшы жастармен, жасөспірімдермен кездесті. Мұндағы мақсат – жастардың спортқа қызығушылығын ояту, жігер беру. Елдос Сметов елімізде бұқаралық спорттың дамуына ден қойылып жатқанын атап өтіп, жастарды салауатты өмір салтын ұстануға шақырды.
Айта кету керек, Қобда және Жарық ауылдары көкемгі су тасқыны кезінде айтарлықтай зардап шеккен болатын. Қысқа мерзім аралығында жаңадан 147 үй салынып, тұрғындарға тапсырылды.
Елдос Сметов, дзюдодан олимпиада чемпионы:
– Мемлекет басшысының тапсырмасымен осындай баспаналар салуды бұйырған екен. Сол баспанадарды көріп, осы жақтың тұрғындарымен кездестік. Өте сапалы салынған үйлер. 25 қазан – Республика күнімен шын жүректен құттықтаймын. Еліміздің көк байрағы көкте желбірей берсін.
Мәншүк Шымырбай.
