Депутаттар әскери шеруге қатысушылардың Астанадағы далалық лагеріне барды

Парламент Мәжілісінің депутаттары Ұлы Отан соғысындағы Жеңістің 80 жылдығына арналған әскери шеруге қатысушылардың Астанадағы далалық лагеріне барды. Шараға дайындық барысымен танысты. Парадтық есептоптардың командирлерімен және әскери қызметшілермен кездесті. Курсанттардың әлеуметтік-тұрмыстық жағдайын, шеруге қатысатын қарулы күштердің түрін және әскери киім үлгілерін көрді. Далалық лагерь 5 мың адамға арналған. Мұнда 200-ден астам шатыр тігілген. 7 монша кешені мен госпиталь және автопарк бар.

Айдос Сарым, ҚР Парламенті Мәжілісінің депутаты:

- Әскерилер келіп жатыр, әскери бөлімдер кезек-кезек қоныстанып жатыр. Техниканы теріп, қайтадан жинап, бүкіл жаттығуын енді ғана өткізіп жатыр.

Максим Рожин, ҚР Парламенті Мәжілісінің депутаты:

- Абыройлы іс. Азаматтар жаупкершілікпен қарап отырғаның көріп отырмыз. Алда әлі бір айдай уақыт бар. Әзірше дайындық жақсы.

Айта кетейік, мерекелік шеруге 300-ден астам әскери және арнайы техника тартылады. Олардың арасында тарихи үлгілер де болады. Парадта әртүрлі типтегі 66 ұшу аппараты әуеге көтеріледі. 

Веб-редактор: Нұрбек Балгүл Қайрошқызы