Астанада Дженнифер Лопестің концерті өтті

Астанада әлемге әйгілі поп-жұлдыз Дженнифер Лопестің концерті аншлагпен өтті. Astana Arena стадионына 25 мыңнан астам көрермен жиналды. Әншінің айтулы «Up All Night» әлемдік турының шеңберінде ұйымдастырылған шоу ондаған бишілердің қатысуымен, ауқымды қойылыммен, сондай-ақ ерекше эмоциямен сүйемелденді. Көрермен Лопестің атақты хиттерін орындады, олардың арасында - «On the Floor» және «Jenny from the block»-та бар. Кейбіреулері жұлдызбен селфи түсіру бақытына ие болды - финалда әлем жұлдызы сахнадан түсіп жанкүйерлеріне жақындады. Айта кетейік, Астанаға Қазақстанның өзге қалаларынан ғана емес, көрші елдерден де жанкүйерлер келді. Концерт жоғары деңгейде ұйымдастырылды: қоғамдық тәртіпті мың үш жүзге жуық полиция қызметкері қамтамасыз етті, стадионның қосымша бірнеше кіретін және шығатын есіктері іске қосылды. Көптеген қазақстандықтар үшін бұл кеш жылдың нағыз музыкалық оқиғасы болды.

Веб-редактор: Айнұр Досан