Алматы қаласы логистикалық орталыққа айналып келеді. Мегаполисте жүк қоймаларының құрылысы белсенді жүргізіліп жатыр. 2027 жылда олардың саны екі есе артады деген болжам бар. Бұл – Bright Rich CORFAC International сарапшыларының есептеуінен туған болжам. Биылдың соңына дейін-ақ 105 мың шаршы метр қойма нысандары пайдалануға беріледі. Бұл былтырдың қорытындыларымен салыстырғанда 75%-ға көп. Ал 2025 жылы жаңа қойма алаңдарының эксплуатация көрсеткіші 285 мың шаршы метрге дейін жетіп, 2024 жылдың көрсеткіштерінен екі есе асып түседі. Алматы қаласы мен Алматы облысы бойынша 2024-2027 жылдар аралығындағы болжам бойынша 700 мың шаршы метр қойма нысандары бой көтереді.
Сарапшылардың есептеуінше, мегаполисте қазіргі уақытта 760 мың шаршы метр алаң бар. Ал, жаппай құрылыс осы көрсеткішті еселендіреді.
