Еске салайық, кезінде венгрлік көсемсөз шеберінің туындыларын қазақ ақыны - Қадыр Мырза Әли аударған. Әдеби ортада жоғары бағаланған еңбек жаңартылған үлгіде оқырманға қайта жол тартты. Мұқабасындағы QR код арқылы кітаптың электронды нұсқаларын жүктеп алуға болады. Айта кетейік, туған елінің егемендігі үшін қолына қалам алып қана қоймай қару да ұстаған мажар халқының ұлттық батырының биыл 200 жылдығы аталып өтілуде. Бауырлас ел ақынын ұлықтау шарасы елордада өтті.
Отто Иван Рона, Венгрияның Қазақстандағы елшісі:
- Ол Венгрияның географиялық жағынан Қазақстанның даласына ұқсас аумағында дүниеге келді. Еркіндікті сүйіп өскен кең даланың дарынды ұрпағы өмірін азаттық үшін күреске арнаған батыр ақынға айналды. + 05:25:08 Еркіндікке деген құштарлық қазақ пен венгр халықтарының қанына сіңген ортақ қасиет. Оның оқырмандары өте көп. Шандор Петефи әлікүнге дейін мажар әдебиетінің ең танымал ақыны.
Шаһин Мұстафаев, халықаралық түркі академиясының президенті:
- Венгрия - Түркі әлемі үшін бауырлас ел. Осы елдегі әріптестеммен көптеген бірлескен жобалар қолға алынды. Біз үшін бұл елдің тағы бір ерекше маңызы - ол Венгрияда түркітану саласы заманауи әлеуметтік ғылым ретінде қалыптасуында екенін атап өткім келеді. Яғни, әлем түркі халықтарының тарихын жіті тануға бет бұрды. Сондықтанда, Шандор Петефидің қазақ тіліне аударылған поэзиялық шығармаларын қайта басып шығарудың маңызы зор. Ол Түркі әлемі мен Мажар халықтары арасындағы достық, бауырластық қарым-қатынасты тереңдетуге тың серпін береді деп санаймыз.
Веб-редактор: Admin
Сондай-ақ
