Йил бошидан буён Жетису вилояти иқтисодига салкам 190 миллиард тенге инвестиция жалб этилди. Минтақа ҳокими Бейбит Исабаевнинг Президент Қосим-Жўмарт Тўқаевга берган ҳисоботига кўра, вилоятда йирик металлургия комбинати, «Қозоғистон – Хитой халқаро саноат шаҳри» саноат парки, шамол электростанцияси ва бошқа қатор иншоотлар бунёд этиляпти. Минтақани газлаштириш давом этяпти, 2028 йилга бориб бу жараён ниҳоясига етади.
Бейбит Исабаев, Жетису вилояти ҳокими:
– Давлат раҳбарига 2024 йилнинг 7 ойи ниҳоясига кўра минтақанинг ижтимоий-иқтисодий ривожланиш натижалари ва келгуси режалар ҳақида ҳисобот бердим. Президент минтақани ижтимоий-иқтисодий ривожлантириш, ўсиш нуқталари бўлган қишлоқ хўжалигини, транзит-транспорт имкониятларини, инфратузилмалар, туризмни такомиллаштириш ишларини давом эттиришни топширди.
Абдумалик Сарманов таржимаси.
