Туркистон ҳозирги кунларда яна бутун дунёдаги тадқиқотчилар учун тортиш марказига айланди. Шаҳарда Хожа Аҳмад Яссавий меросига бағишланган халқаро симпозиум ташкил этилди. Тадбирда маҳаллий олимлардан ташқари Озарбайжон, Германия, Италия, Қирғизистон, Россия, АҚШ, Тожикистон, Туркия, Япония ва бошқа давлатлардан келган экспертлар ҳам жам бўлди. Иштирокчилар буюк мутафаккир меросининг ҳозирги жамиятга таъсирини, шунингдек, унинг инсонпарварлик тамойиллари ва уларнинг глобал муаммоларни ҳал этишдаги ролини муҳокама қилмоқда. Эслатамиз, форумни ўтказиш ташаббусини президент Қосим-Жўмарт Тўқаев Миллий қурултойнниг учинчи йиғилишида илгари сурган. Ўшанда у Хожа Аҳмад Яссавий меросини чуқур ўрганиш ва оммалаштириш заруратини таъкидлаганди. Симпозиумнинг очилиш маросимида Давлат маслаҳатчиси Ерлан Қарин қатнашди.
Ерлан Қарин, Қозоғистон Республикаси Давлат маслаҳатчиси:
- Биз Яссавийнинг инсонпарварлик ғояларига эътибор қаратишимиз лозим. Унинг
фалсафаси дин ёки минтақа билан чекланмайди, у универсал ва бутун инсоният учун долзарб.
Абдумалик Сарманов таржимаси
Ўхшаш янгиликлар
