Ушбу ёзда Қозоғистонда
амалдаги Парламент ўрнида бир палатали Қурилтай ишлай бошлайди. Эслаатмиз, икки палата
депутатлари қўшма йиғилишда Конституциявий қонунлар, шу жумладан, Қурилтай ҳақидаги ҳужжатни биринчи ўқишда маъқуллаганди. Янги қонун чиқарувчи органда пропорционал тизим орқали 5 йилга сайланган
145 нафар депутат бўлади. Парламентда айтилишича, бир палатали Қозоғистон Қурилтайида лойиҳалар чуқур кўриб чиқилади, учинчи ўқиш мажбурий қилиниши ҳам мумкин. Мажилис
депутати Екатерина Смишляеванинг фикрича, ушбу мавсум якунигача рақамлаштириш, йўл хавфсизлиги, шахсий маълумотларни муҳофаза қилиш ва киберхавфсизлик тўғрисида қонунларга алоҳида эътибор зарур.
Екатерина
Смишляева, Қозоғистон Республикаси
Парламенти Мажилиси депутати:
− Биз июль ойида рақамли ҳуқуқ ва тартибга келтириш учун пойдевор бўладиган Рақамлаштириш кодекси кучга кириши сабабли қатор қонунларга ўзгаришлар киритамиз. Президентнинг киберхавфсизликни кучайтириш тўғрисида Фармонига кўра, ўта муҳим рақамли объектлар учун масъуллик бўйича ваколатлар белгиланади ва тақсимланади.
Депутат
Еркин Абилнинг фикрича, Қурилтайга ўтиш Қозоғистон сиёсий тизимининг туб ўзгариш касб этишини намойиш
қилади.
Натижада, фақат қонун чиқариш формати эмас, ижро ҳокимияти конфигурацияси ҳам
ўзгаради.
Гап давлат институтларининг ўзаро таъсирида янги механизмлар пайдо бўлиши ҳақида кетяпти.
Еркин
Абиль, Қозоғистон Республикаси Парламенти Мажилиси депутати:
−
Биз Солиқ кодексига ўзгаришлар киритдик. Яна бир қанча қонун лойиҳалари, шартномалар ратификациясини охирига етказишимиз керак. Ижро ҳокимияти
тузилмалари ўзгаряпти, яна вице-президент лавозими жорий этилади. Менимча, Қурилтайнинг
дастлабки қарорларидан бири таклиф этилган вице-президент номзодига розилик бериш ёки бермаслик борасидаги фикр
билдириши бўлади.
Абдумалик Сарманов таржимаси
Ўхшаш янгиликлар
