Қозоғистон ижодкорларининг «Олтин адам» тўла метражли мульфильми прокатга чиқди. Сюжет афсонавий «Ҳаёт олови»ни ахтариб Хон Тангри чўққисига
йўл олган сак аскари ҳақида
ҳикояга асосланган. Қаҳрамон йўлда турли тўсиқларга учрайди, ватанини ҳимоя қилиб, душманлар билан жангга киради. Саклар тарихи, уларнинг маданияти, жанговар санъати – картинанинг ҳар бир элементи ёш томошабинлар дунёқарашини кенгайтириш учун
икир-чикирларигача аниқ берилган, дея таъкидлади режиссёр. Бош қаҳрамон Анкил улғайиб келаётган ёш авлод учун жасорат, маънавий қувват тимсоли бўла олади.
Турдибек Майдан, «Олтин одам» анимациявий фильми режиссёри:
- «Олтин одам» тарихимизнинг қимматли артефакти бўла олади. уни дунё танийди. Биз «Олтин одам» маънавий қудрат ва теранлик тимсоли эканлигини кўрсатишга ҳаракат
қилдик. Анимациявий фильм орқали биз «Бу силоҳлар кимники
бўлиши мумкин?» деган саволга жавоб берамиз. У шунчаки бой ташқи
кўриниш эгаси эмас, бой маънавиятга эга, асл «Олтин одам» бўлган.
Уларбек Нурғалимули, «Олтин одам» анимациявий фильми сценарийси муаллифи:
- Алмати шаҳридаги «Олтин одам» монументида у тўртта
камон ўқи ушлаб турибди. Биз ана шу ўқларнинг мазмунини очиб беришга ҳаракат
қилдик. Уларнинг учтаси — жасорат, адолат ва заковат. Тўртинчисини — эзгулик ўқини қаҳрамоннинг ўзи ахтариб, топади.
Абдумалик Сарманов таржимаси
Ўхшаш янгиликлар
