Қозоғистонда 13 миллион гектарга яқин майдон ёки донли экинлар ҳосилининг 75 фоизи йиғиб олинди. Бу ҳақда йиғим-терим кампанияси тезкор штабида маълум қилинди. Умуман, бугунга келиб, 20 миллион тоннадан зиёд дон янчилган. Элеваторларга деярли 3 ярим миллион тонна дон келиб тушган, шундан 2 ярим миллион тоннага яқини – буғдой. Олинган арпанинг 95 фоизи – 2 тоифали. Озиқ-овқат корпорацияларига ушбу дон учун шартномавий харид нархини имкон қадар эртароқ эълон қилиш топширилган. Бундан ташқари, мойли ва полиз экинлари, сабзавот, картошка ҳам далалардан йиғиб олинди. Эслатамиз, баҳорги-дала юмушлари ва йиғим-терим ишларини имтиёзли молиялаштириш ҳажми 580 миллиард тенгени кўрсатган. Бу эса ўтган йиллардагига нисбатан деярли 3 марта кўп. Донли экинлар йиғим-теримини октябрь охиригача тугатиш режа қилинган. Олдинда мойли экинлар йиғими турибди.
Абдумалик Сарманов таржимаси.
