Кремний водийсидаги Hero Training акселерация дастури учинчи оқими якунига кўра Қозоғистон стартапи биринчи ўрин ва «энг яхши жамоа» унвонини олди. Муаллифлар 26 давлатдан келган 70 жамоани ортда
қолдирди. Айтмоқчи, Draper University тарихида мамлакатимиз биринчи марта бунга
эришди. «Астана хаб» берган маълумотга кўра, Beyim Tech майдончаси рақамли таълим бўйича энг яхши
инновациявий ечим, деб тан олинди. Таъкидлаш лозимки, дастурда қатнашиш учун Марказий Осиё ва Озарбайжондан
49 стартапер ариза берганди. Жиддий саралашдан сўнг 10 нафари финалга чиқди. 5 ҳафталик таълим давомида
технологик менторлар, венчур инвесторлари ва
экспертлар қатор воркшоплар ташкил қилди. Шу тариқа, стартаплар маҳсулотини
такомиллаштирди, хорижий компаниялар билан алоқаларни мустаҳкамлади ва
Америка бозорида шартномалар тузди.
Танат Ускембаев, Astana Hub бошқарувчи директори:
- Ўтган икки йил давомида умуман
олганда биз минтақамиздан 27 та стартап дастурини юбордик, Улар жами 2,7
миллион доллар инвестиция жамғарди, дастлабки мижозлар, инвесторлар топди. Барча
стартапларга бу даврда Кремний водийсидаги Silk Road Innovation
Hub, АҚШда бизнесини
ривожлантираётган Пало-Алто технологик тадбиркорлар ҳамжамияти доирасида фаол
ёрдам берилди.
Абдумалик Сарманов таржимаси
Ўхшаш янгиликлар
