Қосим-Жўмарт Тўқаев Алматида бўлиб ўтган рапид йўналишидаги жаҳон биринчилигида кумуш медали соҳибаси бўлган Динара Садуақасовани муборакбод этди. Давлат раҳбари таъкидлаганидек, мамлакатимиз шахматчиларининг жаҳон миқёсидаги ютуқлари билан фахрланади. Халқаро турнирларда эришилган ютуқлар Қозоғистон шахмат мактабининг юксак даражасини кўрсатади, ёшларни спортнинг бу тури билан фаол шуғулланишга чақиради. Президент шахматчига янги ғалабалар ва муваффақият тилади. Бундан ташқари, Қосим-Жўмарт Тўқаев жаҳон биринчилигида яхши кўрсаткичларга эришган Жансая Абдумаликка ҳам илиқ тилакларини изҳор қилди.
Абдумалик Сарманов таржимаси
