Қозоғистон 10 майдан бошлаб инвесторларга мўлжалланган янги виза жорий қилди. У мамлакатга
хорижий бизнесни жалб қилиш ва мамлакат иқтисодий салоҳиятини кенгайтиришга
мўлжалланган.
«Олтин виза»
олиш учун хорижликлар мамлакат мамлакат компаниялари низомий капиталига ёки маҳаллий маҳаллий қимматли қоғозларга 300 минг доллар сармоя киритиши зарур. Бу эса, ўз навбатида, 10 йил давомида яшаш имконини беради. Экспертлар фикрича, Қозоғистон - Марказий Осиёдаги энг йирик иқтисод бўлгани сабабли тадбиркорларнинг
унга қизиқиши катта. Мамлакатда қулай бизнес муҳити, барқарор сиёсий вазият шаклланган. Виза ҳуқуқий кафолатларни таъминлайди ва республикаинвестициявий иқлимини яхшилайди.
Марат
Есенов, «Kazakh Invest» миллий компаниясининг давлат органлари ва жамоатчилик билан алоқалар
бўйича вакили:
- Шуни англаб олиш керакки, Қозоғистонга 300 минг доллар киритган одам кейинчалик ҳам сармоя олиб келишга тайёр. Бу капитални дастлабки бадал сифатида қабул қилиш
лозим, деб ўйлайман. Сўнгра у мультипликатив самара беради. Яъни, самара кўрганидан сўнг у Қозоғистонга янада кўпроқ маблағ келтиради, бошқа лойиҳаларда ҳам қатнашади.
Таъкидлаш лозимки, шу каби виза дастурлари АҚШ, БАА,
Сингапур ва бошқа давлатларда ҳам бор. Масалан, Америкада «олтин
виза» учун 5 миллион доллар сармоя керак. Ўзбекистанда жорий йилнинг июнь
ойидан бошлаб камида 150 минг, ҳар бир оила аъзоси учун 100 минг доллар
киритиб, шундай имтиёз олиш имкони яратилади. Бизнинг иқтисодимизда инвесторлар
учун мақбул йўналишлар белгиланган.
Гаухар Қизатўлла, Қозоғистон Республикаси Ташқи ишлар вазирлиги Инвестициялар бўйича қўмита бошқармаси раҳбари:
- Биз, биринчи навбатда, қайта ишлаш секторига инвестиция киритамиз. Иқтисоднинг нохомашё секторига. Озиқ-овқат
саноатига,
ҳозирча унга у қадар кўп инвестиция келмаяпти. Бу секторлар мультипликатив самара беради, иқтисодда ўрнашади, сўнгра янги ишлаб чиқаришлар, иш ўринлари яратади. Бундай узвийлик давом этади.
Абдумалик Сарманов таржимаси
Ўхшаш янгиликлар
