Кичик ва ўрта бизнесни автоматлаштириш учун интернет-майдонча, тиббиёт ва спорт учун сенсор AI-патаклар, инглиз тилини Си-симуляцияси орқали ўрганиш. Қозоғистон стартапчиларининг бу
ечимлари Astana Hub ва Google for Startups ташаббуси
билан бошланган Silkway
Accelerator халқаро
дастури олтинчи навбатининг финал қисмидан ўрин олди. Келиб тушган 200 тача аризанинг ичидан 15 та энг яхшиси танлаб олинди. Эксперт комиссияси фикрича, бу маҳсулотлар етарли даражада
мукаммал, кенг кўламда ишлатилиши учун салоҳияти бор.
Анель Шегенова, Astana Hub бизнес-дастурлари офиси
менежери:
- Якуний рўйхатга Қозоғистон,
Ўзбекистон, Қирғизистон, Тожикистон, Озарбайжон ва Монголиянинг технологик стартаплари киритилди. Уларнинг ҳаммаси PMF ёки Scale даражасидаги, сунъий интеллект, молия, таълим, логистика,
e-commerce, тиббиёт ва бизнес бошқаруви соҳаларида ишлаётган ечимлар. Уч
йил ичида Silkway Accelerator учун
1
минг 500 ариза
тушди, Марказий Евроосиёдан 77 та
стартап
саралашдан ўтди, шундан
62
таси дастурни якунлади. Улар
биргаликда 28 миллион доллардан
кўпроқ инвестиция жалб этди. Жами қиймати 500 миллион доллардан
зиёд.
Финалга чиққанлар Астанада офлайн-акселерациядан ўтяпти. Уларга халқаро экспертлар менторлик қилади, маҳсулот ва бизнес-метрикалар ҳозирлашга ёрдам берилади. Барча жамоалар Astana Hub Ventures жамғармасидан инвестиция олишга даъвогарлик қила олади. Октябрь ойига мўлжалланган Digital Bridge 2025 халқаро форумида стартаплар ютуқлари дунё инвесторларига тақдим этилади.
Абдумалик Сарманов таржимаси
Ўхшаш янгиликлар
