Быйылкы жылы өлкөдө жаштардын демилгелерин колдоо үчүн 250дөн ашык чакан гранттар бөлүнгөн. Анда ар бир катышуучу өз долбоорун иштеп чыгуу үчүн 1 миллион теңгеге чейин каражат ала алат. “Zhas Project” Казакстан жаштарынын мүмкүнчүлүктөрүн кеңейтүүнү көздөйт. Катышуучулар социалдык долбоорлорду ишке ашыра алышат. Алар ошондой эле насаатчыдан кеп-кеңеш жана багыт алышат. Белгилей кетсек, сынакка 18-28 курактагы жаштар катышууда. Документтерди кабыл алуу баш оона айынын 10на чейин уланат. Быйылкы жылы долбоорлордун олуттуу бөлүгү Маңгыстау облусунда ишке ашмакчы.
Наурызбек Магдатов, "Түпкараган жаштары" коомдук бирикмесинин жетекчиси:
- Катышуучулар өз долбоорлорунун кайсы багыты боло тургандыгы боюнча чечим кабыл алгандан кийин, биздин веб-сайтка катталып, арызын тапшырышы керек. Анын бардыгы эки этаптуу тандоо жараянынан өтөт. Биринчиден, техникалык тандоо. Бул жерде долбоордун негизги талаптарга шайкештиги текшерилсе, экинчи тендердик комиссиясы өткөрүлөт.
Которгон: Илгиз Жамалбеков
