Орусияда өспүрүмдөрдү коронавируска каршы эмдөө өнөктүгү кызуу жүрүп жатат. Эмдөө 12 жаштан 17 жашка чейинки балдарды камтыйт. Өлкө аймактарына коронавируска каршы препараттын биринчи партиясы 3 жума мурун жеткирилген. Орусиянын Саламаттык сактоо министрлигинин маалыматы боюнча, өткөн аптада 40 миңден ашуун өспүрүм вакцина алган. Белгилей кетсек, өспүрүмдөргө Sputnik М вакцинасы сайылып жатат. Бул кадимки Sputnik Vнин бир бөлүгү, болгону 5 жолу суюлтулган. Бул препарат да эки компоненттен турат. 15 жашка чейинки балдарды эмдөөдөн мурун ата-энесинин макулдугу керек. Акыркы эки жуманын ичинде Omicron штаммы Орусияда кеңири жайылып кетти. Өлкөдө бир суткада 180 миң жаңы учур катталды.
Людмила Кирсанова, амбулатория бөлүмүнүн башчысы:
- Албетте, чалуулар көп болуп жатат. Эмдөөдөн өтүүнү каалагандар арбын. Кезектер болбошу үчүн алдын ала жазылуу керек.
- Ооруп калбаш үчүн вакцина алууну чечтим. Апам мени колдоду.
Которгон: Илгиз Жамалбеков
