Парламент Мажилисинин пленардык жыйынында «Казакстан Республикасынын эл аралык келишимдери жөнүндө» мыйзамга киргизилген өзгөртүүлөр жана толуктоолор жактырылды. Төмөнкү палатанын депутаттары сунуштап жаткан өзгөртүүлөр колдонуудагы мыйзамдарды мындан ары өркүндөтүү максатында иштелип чыккан. Долбоор 1969-жылдын бугу айынын 23дөгү келишимдердин укугу боюнча Вена конвенциясына ылайык келтирүүгө, ошондой эле, боштуктарды жана карама-каршылыктарды жоюуга багытталган. Документте биринчи кезекте мыйзамдын бир катар концептуалдык аныктамалары кайра каралат.
Айгүл Куспан, РКнын Парламент Мажилисинин депутаты:
- Тактап айтканда, «аргумент» түшүнүгүнүн аныктамасын, аны редакцияда баяндоо сунушталат. Себеби, эл аралык келишимдин текстинин эквиваленттүү түп нускасын аныктоо процедурасы аркылуу эл аралык келишимдин тексти бирдей, башкача айтканда, анык жана толук болуп калат. Мыйзам долбоорунда ыйгарым укуктар жөнүндө күбөлүктү дипломатиялык каналдар аркылуу жөнөтүү мүмкүнчүлүгүн ишке ашыруу максатында ыйгарым укуктарынын аныктамасын кеңейтүү сунушталууда. Экинчиден, мыйзам долбоору Казакстан Республикасынын Президенти кол койгон эл аралык келишимдин долбоорунун текстин бекитүү боюнча ченемдик укуктук актыларды кабыл алуу зарылдыгына байланыштуу укуктук боштукту жоёт.
Которгон: Илгиз Жамалбеков
Веб-редактор: Admin
Oкшош жаңылыктар
