Казакстандын «Биз биргебиз» коомдук фонду жөнөткөн 40 тонна гуманитардык жардам Кыргызстанга жетти. Өлкөнүн Өзгөчө кырдаалдар министрлиги социалдык тармактардагы баракчаларына казак-кыргыз чек арасынан жүк ташыган унаалардын видеосун жарыялады. Коомдук фонд ун, кант жана башка зарыл азык-түлүктөрдү жеткирип берди. Эскерте кетсек, теке айынын 14дө Ош шаарында жана облусунда катуу сел жүрүп, 5 адам каза болгон.
Которгон: Илгиз Жамалбеков
