Казакстандык окумуштуулар ойлоп тапкан уникалдуу иштеп чыгуу жалпы оорулардан курмандыктар менен майыптуулукту азайтууга мүмкүндүк берет. Ата мекендик окумуштуулар кан тамыр ооруларын дарылоонун жаңы ыкмаларын иштеп чыгышты. Атап айтканда, жергиликтүү ойлоп табуу кан тамыр өткөргүчтүгүн калыбына келтирүүгө шарт түзөт. Бүгүнкү күндө илимий борбордун кызматкерлери Казакстандан жана Евразиялык тармактык мекеменин патенттерин алышкан.
Оралбай Дарменов, Аль-Фараби атындагы КАЗУУ, кан тамырлары патологиясы борборунун мүдүрү:
- Биз иштеп чыккан аппарат кан тамырлардагы атеросклероздук түйүндөрдү толугу менен жок кылууга мүмкүндүк берет. Жөнөкөй сөз менен айтканда, кан тамырларды тазалайт. Аппаратты венага киргизүү менен бир эле учурда бир нече артерияны тазалоого болот. Экинчиден, алдын алуу максатында бир же эки жылдан кийин кайра кайталанат. Стент орнотуу учурунда гана уруксат берилбейт. Артерияга стент коюлса, ал өмүр бою калып калат. Кийинчерээк көптөгөн кыйынчылыктарга алып келиши мүмкүн экенин билебиз.
Профессордун айтымында, ата мекендик ойлоп табуу колдонууга киргизилсе, келечекте кан тамырларга стент коюудан, ошондой эле жүрөккө, мээге, буттун веналарына жасалган татаал операциялардан кутулууга болот. Дарылоонун бул түрү жеңил жана жакшы натыйжа берет.
Оралбай Дарменов, Аль-Фараби атындагы КАЗУУ, кан тамырлары патологиясы борборунун мүдүрү:
- Биздин аппарат дүйнөлүк ачылыш. Келечекте ал стенттөө жана шунттоо ыкмаларын колдонууну жоюуга жардам берет деп ойлойбуз. Бул ыкманы кан тамырлардын атеросклеротикалык жабыркаган адамдар колдонсо болот. Атеросклероз оорусу азыр көп кездешет. Оору 40 жаштан кийин төртүнчү адамда, 60 жаштагы экинчи адамда аныкталат.
Жаңы дарылоо процедурасы казакстандыктар үчүн анча кымбатка түшпөйт. Анын баасы окшош ыкмаларга караганда бир топ төмөн. Учурда аппараттын лабораториялык жана өндүрүштүк үлгүлөрү даярдалууда. Бул клиникалык изилдөөлөрдү жүргүзүү жана соода өндүрүшүн жолго коюу үчүн зарыл.
Которгон: Илгиз Жамалбеков
