Казакстанда алдыңкы ирригациялык тутумдарды чыгаруучу завод ачылат. Долбоорго америкалык компания инвестиция салууда. Ишкананын кубаттуулугу жылына бир миң айыл чарба машиналарын чыгарат. Адистердин айтымында, сугаруунун алдыңкы технологиясы өсүмдүктөрдүн түшүмдүүлүгүн 50-70% га көтөрүп, сууну сарптоону кыскартат.
Өлкөнүн премьер-министри Аскар Маминдин айтымында, 2020-жылдын аягында айыл чарба туруктуу өсүшкө жетишип, 5,6% ды түздү. Маалыматка ылайык, бул акыркы 6 жылдагы тармактагы эң жогорку көрсөткүч. Ошондой эле, министрлер кабинетинин башчысы, агроөнөр жай комплекси дүйнөлүк азык-түлүк чынжырларында үзгүлтүккө учураган шартта Казакстанда инфляцияны ооздуктоонун чечүүчү фактору болуп калгандыгын айтты.
Белгилей кетсек, БУУнун алдындагы Азык-түлүк жана айыл чарба уюмунун маалыматы боюнча, Казакстан айыл чарба жаатында мүмкүнчүлүктөрү жогору беш мамлекеттин катарына кирет.
Веб-редактор: Admin
Oкшош жаңылыктар
