Казакстанда коронавирус инфекциясынан айыккандардын саны өсүүдө. Өткөн суткада эле 3 575 казакстандык вирустан айыгып чыкты. Оң рейтинг боюнча Алматы шаары лидер. Бул жерде 1 313 адам COVID-19ди жеңип чыккан. Ал эми Казакстандын борборунда 586 адам сакайса, алдыңкы үчтүктү Алматы облусу толуктайт. Жалпысынан, өлкөдө пандемия башталгандан бери 323 816 адам кооптуу инфекцияны жеңип чыкты.
Аны менен катар, республикада коронавирус жуктургандардын саны дагы көбөйүүдө. Акыркы сутка ичинде 2 018 жаңы учур аныкталган. Алардын жалпы саны азыркы учурда 364 миңден ашык.
Которгон: Илгиз Жамалбеков
