Казакстан менен Кыргызстандын ортосундагы эки тараптуу соода өткөн жылы көбөйдү. Бүгүнкү күндө тараптар ортосундагы соода алака 1 миллиард 600 миллион долларга жетти. Бул тууралуу Премьер-министр Олжас Бектенов жана коңшу мамлекеттин Президентинин администрация башчысы Адылбек Касымалиев менен жолугушуу учурунда белгилүү болду.
Олжас Бектенов,
Казакстандын Премьер-министри:
- Биздин
өлкөлөрдүн лидерлеринин ортосундагы активдүү саясий диалог казак-кыргыз
өнөктөштүгүнүн бардык спектри боюнча жогорку динамиканы камсыз кылат. Мамлекеттер
ортосунда өз ара соода-экономикалык байланыштар туруктуу өнүгүүдө. Өлкө башчылары
эки өлкөнүн ортосундагы товар жүгүртүүнү 2030-жылга чейин 3 миллиард долларга
жеткирүү милдетин коюшту. Өкмөттөр бул милдетти ишке ашыруу боюнча ишти улантып
жатышат.
Казакстан өнүм экспортун 200 миллион
доллардан ашык суммага 175 аталыштагы экспортун көбөйтүүгө даяр. Алардын
арасында мунай-химия, тамак-аш өнөр жайы, металлургия, унаа жасоо, фармацевтика
өнөр жайы бар. Күн тартибиндеги эки тараптуу маанилүү маселелердин бири болуп
агро өнөр жай комплексиндеги кызматташуу эсептелет. Өнөр жай өз ара сооданын
20%га жакынын түзөт. Өлкөлөр Айыл чарба өнүмдөрүн жеткирүүнү көбөйтүү боюнча
Жол картасын ишке ашырууда. Ошондой эле, өнөр жай тармагында биргелешкен
ишканаларды түзүүгө багытталган инвестициялык өз ара аракеттенүүгө басым
жасалат. Тараптар суу-энергетикалык тармактагы кызматташуу маселелерин
талкуулашты. Биргелешкен иш-чаралардын аркасында өткөн жылы сугат сезону чыгымсыз
өттү. Мындан тышкары, жолугушууда транспорттук-транзиттик дараметти жогорулатуу
маселеси каралды. Белгилей кетсек, Казакстан Кыргызстандын үч ири соода
өнөктөшүнүн катарына кирет. Өлкө коңшу республиканын экономикасына 1 млрд 300
млн АКШ валютасында инвестиция салган.
Которгон: Илгиз Жамалбеков
Oкшош жаңылыктар
