Мектепке чейинки билим берүүнүн жеткиликтүүлүгүн жана сапатын камсыз кылуу, региондор, шаар жана айыл мектептеринин ортосундагы ажырымды азайтуу жана жогорку билим берүүнүн атаандаштыкка жөндөмдүүлүгүн жогорулатуу. Ушул жана башка милдеттер «Билимдүү улут - сапаттуу билим» улуттук долбоорунун алкагында чечилет. Мурунку мамлекеттик программалардан аталган долбоордун айырмачылыгы - бул үчүн бардыгы жооптуу болот жана аны көзөмөлдөө колго алынат.
Айта кетсек, жалпысынан Улуттук долбоор 4 багыт, 5 милдет, 15 көрсөткүч жана 26 иш-чарага негизделген. Бул тууралуу Билим берүү жана илим министри Асхат Аймагамбетов Борбордук коммуникациялар кызматында өткөн брифингде билдирди. Долбоор 2025-жылга чейин ишке ашырылат.
Которгон: Илгиз Жамалбеков
